Somba Tedong/Singgi' Karambau Sapean Tabang

Ikomo mo tedong Ma'bulu aluk

Bulummu darun bualaanna toma'rapu tallang

Kutummu ba'tan bulaanna toma'rapu tallang

Lissemu bu'buk bulaanna toma'rapu tallang

Balulangmu, lotong boko'na toma'rapu tallang

Ikko'mu, kandaure salombe'na toma'rapu tallang

Tandukkmu, Banua gayangna toma' rapu tallang

Lette'mu, banua gayangna toma' rapu tallang

Kalungkungmu, suke salapa'bulaanna toma' rapu tallang

Isinmu, Lolai lalo'na toma'rapu tallang

Lilamu, pesangle bulaanna toma'rapu tallang

Pollo'mu, Burrusan bulaanna toma'rapu tallang

Gali'mu, doke pondok bulaanna toma'rapu tallang

Bayamu, Saritanna toma'rapu tallang

Tambu tenemu, Peruru bulaanna toma'rapu tallang

Tumabangmu, Kando bulaanna toma'rapu tallang

Lalikanmu, Balubunna toma'rapu tallang

Buamu, lampo'na toma'rapu tallang

Balangmu, Sepu' bulaanna toma'rapu tallang

Atemu, Sangeran bulaanna toma'rapu tallang

Talinganmu, talinga maa'na toma'rapu tallang